მე-9 დღე
ტრენინგი იყო საკმაოდ საინტერესო, ინფორმაციული და სასარგებლო ჩემთვის.
პროექტებით სწავლება ძალიან ეფექტური და თანამედროვე მეთოდია დღევანდელ სკოლაში, რადგან მოსწავლეებში ავითარებს მაღალი დონის სააზროვნო უნარებს (და არა მხოლოდ მოსწავლეებში?!)
ამ ტრენინგმა მომცა ის, რომ დავინახე კონკრეტულად რა მიმართულებები უნდა განავითაროთ ბავშვთან პროექტზე მუშაობისას.
ვისწავლე ე.წ. ღრუბლებში მუშაობა, რაც ჩემთვის სიახლეს წარმოადგენდა.
ასევე ვისწავლე ელექტრონული ტესტების შექმნა, რაც ძალიან მაინტერესებდა.
მინდა აღვნიშნო, რომ თითქმის ყოველივე ახალ ინფორმაციას თან ახლდა ტრენერისეული ნიმუში, რაც ძალიან მეხმარებოდა ახალი ინფორმაციის აღქმაში და მეტ კონკრეტიკას მატებდა დასამუშავებელ მასალას. ამ მეთოდს გამოვიყენებ ჩემს პრაქტიკაში.
ტრენინგის ყველა დღე საინტერესო იყო.
ჩემი აზრით ტრენერი ქ-ნი ხათუნა ციხელაშვილი თავის საქმის მაღალკვალიფიციური სპეციალისტია.  ამასთან ურთიერთობაში საკმაოდ უშუალო და მეგობრული აღმოჩნდა, რისთვისაც ვუხდი მას დიდ მადლობას.

     

მე-8 დღე
გავიმეორეთ, გავიხსენეთ  წინა ტრენინგებზე გავლილი მასალები.
პროექტის გეგმის შაბლონში შევავსეთ პროექტის მოკლე შინაარსი და დავწერეთ დაწვრილებით პროექტის მსვლელობა.

მე-7 დღე
მიმოვიხილეთ წინა ტრენინგზე შესწავლილი მასალა,
განვიხილეთ ტრენერის და ჩვენი კოლეგის მიერ შექმნილი სანიმუშო ვარიანტი მოსწავლის სავარაუდო ნამუშევრისა.
პაუერ პოინტში გავაკეთეთ მოსწავლის სავარაუდო ნაშრომები, რომლებიც მოვათავსეთ "ღრუბლებში."
შემდეგ ვისაურეთ საავტორო უფლებებზე და ასევე დიფერენცირებულ სწავლებაზე და მივიღეთ საშინაო დავალებები.
მადლობთ ყურადღებისათვის.

მე-6 დღე.
გავიხსენეთ წინა დღე.
ვისაუბრეთ შეფასების ფორმებზე, ვისწავლეთ, როგორ მოვიძიოთ სხვადასხვა ფორმები სახელმძღვანელოში, ტრენერმა გამოგვიგზავნა რამოდენიმე ფორმა მეილზე, ავირჩიეთ ორი სახვადსხავა ფორმა გადავიტანეთ დრაივში და მოვახდინეთ მათი ადაპტირება. ვისაუბრეთ მოსწავლის სავარაუდო ნაშრომზე, გავიხსენეთ პოვერ პოინტი, მივიღეთ ორი დავალება:  უნდა მოვძებნოთ პრეზენტაციის შეფასების რუბრიკა სახელმძღვანელოში და მოვარგოთ ჩვენს პროექტს, ფურცელზე მოვამზადოთ მოსწავლის სავარაუდო ნაშრომი.
დღე ნაყოფიერი იყო.

მე-5 დღე
გავიხსენეთ წინა ტრენინგებზე განხილული მასალები.
ვისწავლე გუგლფორმებში მუშაობა, პროექტის თემატიკიდან გამომდინარე შევადგინე ონლაინ ტესტი.
შევავსე შეფასების დროის ჩარჩო.
საკუთარ თავს მივუდექი კრიტიკულად.
ელექტრონულმა ტესტებმა ძალზედ მომხიბლა.
მადლობთ.

მე-4 დღე
დღე დავიწყეთ წინა ტრენინგზე განხილული მასალების გამეორებით.
ჩამოვაყალიბეთ მიმართულების მიმცემი კითხვები, ერთი ზოგადი, ორი თემატური და რამოდენიმე შინაარსობლივი კითხვა. ეს კითხვები ავტვირთეთ გუგლ დოკუმენტებში და გავუზიარეთ ტრენერს, რაზედაც მივიღე კარგი უკუკავშირი.
შემდეგ გავეცანით პროექტზე დაფუძნებული სწავლების დოკუმენტს, კონკრეტულად გავეცანით შეფასების 5 სტრატეგიას, თითოეული სტრატეგიიდან ამოვარჩიეთ ერთი მაქსიმუმ ორი მეთოდი. მივიღეთ საშინაო დავალება შევქმნათ მინიმუმ 10 კითხვიანი დიაგნოსტიკური ტესტი, რომელსაც შემდგომში გარდავქმნით ელექტრონულად. სულ მაინტერესებდა ელექტრონული ტესტების შექმნის ტექნიკა, მიხარია, რომ შემდეგ ტრენინგზე ვისწავლით ელექტრონული ტესტების შექმნას. დრე ნაყოფიერი და სახალისო იყო (ბოლოს)

მესამე დღე
დღეს ვისწავლეთ ინფორმაციის ღრუბლებში შენახვა და რედაქტირება, ძალიან მოსახერეხებელია,
მომწონს, რომ პროექტზე მუშაობისას ვღებულობ სხვადასხვა რეკომენდაციებს, ეს მეხმარება ჩემთვის ბუნდოვანი საქმის კეთებაში.
მიმართულების მიმცემი კითხვები მგონი კარგად გასააზრებელია???
ყველაფერს გვიხსნით გასაგებად, რისთვისაც ისევ გიხდით მადლობას.

მეორე დღე
დღევანდელი დღე საინტერესო და ნაყოფიერი იყო ჩემთვის, მოვისმინე ჩემი კოლეგების შესასრულებელი პროექტების ვერსიები, შესაძლებელია მათი იდეები გავიზიარო ჩემს პროექტში. საინტერესო გადახვევა შემომთავაზა ჩვენმა ტრენერმა რამაც დამაინტერესა და შესაძლოა ჩემი პროექტი სხვა კუთხით განვახორციელო, თუმცა თემას დავტოვებ იგივეს: "პროცენტები". ასევე გავიგე კიდევ ერთი საინტერესო ინტერნეტმისამართი, რომელიც ასევე დამეხმარება ჩემი მიზნების სესრულებაში. მადლობთ.

პირველი დღე:
გავეცანით ტრენინგის მოკლე მიმოხილვას.
მიხარია, რომ ჩემთვის საინტერესო მასალას გავეცნობი "პროექტებით სწავლება"-ს
ამის შესახებ ყოველთვის ვცდილობდი მომეძია ინფორმაცია, თუმცა იმედია ახლა უფრო ცალსახა და კონკრეტულ ვარიანტზე ვიმუშავებ.
ასევე ვისწავლე რამოდენიმე სასარგებლო საიტი, რომელსაც გამოვიყენებ ჩემს პრაქტიკაში. მადლობთ.